Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

(14) Wie Fürwittig den Held Teurdank aber in ein andre
Geferlicheit fûret mit einer Birin Birin: Bärin..

Fürwittig der was deshalb hie,
Daß er wollte besehen, wie
Er den Held mocht bringen in Leid;
Darumb er ein ander Gejeid
Hat heimlich bestellen lassen.
Indem als si zů Tisch saßen,
Kam ein Jeger und bracht die Mer,
Wie in dem Wald ein Birin wer
Mit sambt iren Welflein Welflein: Jungen. klein.
Wo der Held wollte lustig sein lustig sein: Lust haben.,
Zů stechen dasselbige Tier,
So wollt er im die recht Revier
Zeigen und fûren von Stund an.
Teurdank, der hochgeboren Mann,
Sprach: »Ja, weis mich neur allein dar,
Ich will damit steen mein Gefar,
Villeicht stich ich dieselb Birin.«
Fürwittig sprach: »Herr, wollt Ir hin,
So habt Euch in fast gůter Acht!«
Darneben er heimlich gedacht:
Ich wollt dich gar bald verklagen,
Wann ich dich tot höret sagen.
Heimlich er befalh dem Jeger,
Daß er aus der Birin Leger
Stel Stel: stehle. dieselben Welflein mit Maß,
Daß die Birin erzürnet baß.
Der Jeger eilet in den Wald,
Die Welflein ertötet er bald,
Dieweil die alte Birin was
Ausgangen, zů holen ein Aß Aß: Speise, Nahrung..
Als si nun wider heimhin kam
Und ire Welflein nit vernam,
Wûtet si vor rechtem Zoren.
Indem kam der hochgeboren
Herr Teurdank. Den lief das Tier an;
Der Held tete ein Tritt hindan
Auf die Seiten in sein Vorteil
Und stach damit das Tier geil
Mit seinem Berenspieß zů Tod,
Daß er wurde von dem Blůt rot.
Darnach er zů Urkund erschallt er zů Urkund erschallt: ließ er zum Zeugnis ertönen.
Sein Horen, daß es in dem Wald
Allenthalben gar weit erklang.
Das hörten die Jeger; nit lang
Si sich saumeten, sonder rannten
Zů dem Helden, dann si kannten
Darbei für ein rechte Warheit,
Daß die Birin wer nidergeleit.
Des wurden si von Herzen fro,
Dann si dieselben Birin do
Bei dem Helden ligen funden.
Ob irer groß da begunden
Si sich zů verwunderen seer.
Allein Fürwittig solcher Meer
Von seinem Herzen erschrak fast,
Wunscht heimlich, daß der edel Gast
Für die gemelten Birin wer
Tot beliben; doch stellet er
Sich dergleichen mit nichte nit.
Mit dem teuren Helden er ritt
Wider heim und mit Fleiß fraget,
Wohin er doch getroffen hett
Die Birin wild und auch freissam freissam: schrecklich..
Teurdank saget ims alles sam,
Wie im damit wer geschehen.
Fürwittig sprach: »Ir werd sehen,
Wie die hochgeboren Frau mein
Darob wirdet als frolich sein,
Wann irer Gnad nun werden kund
Solche Sachen, die Ir jetz tunt
Hie bei mir an dem ersten Paß.«
Aber heimlich gedacht er das:
Mit meinem Willen warlich soll
Ir das bleiben verschwigen wol!
Bestellet auch an allem Ort,
Daß niemands ein einiges Wort
Bedorfte sagen der Künigin,
Dann er hett noch in seinem Sinn,
Den Held durch ander Geferlicheit
Zů bringen in Angst, Not und Leid.
Auf dieselben Weg er gedacht
Alle Zeit, bei Tag und bei Nacht,
Wie dann weiter steet geschriben,
Was er Bosheit hat getriben.