Warum trock mi wat Fremds
Na dat Mäden heran?
Oder is wul de Lev
Mi inn Harten opgan . . ?

Ik sä Di still un heemlich
En eenzigs Wort so geern,
Ik sung't al dusend Malen –
Du kreegst noch nie to hörn.

Ik sung dat an de Rosen
Wul hunnert, hunnert mal,
Licht hett dat dar belüstert
De wille Nachdigal.

Ik sä dat to den Ostwind.
De sä 't de Wulken sacht,
Ik sä dat an de Steer'n
Bi stille, deepe Nacht.

Ji Vageln, Wind un Blomen,
Seggt ȩr doch nich dat Wort!
Vellicht – hör se 't Ju flüstern
Lach se min Glück mi fort.