Hett Anna denn de Sorg alleen?
Lütt Anna, fröh un lat?
Mutt achter ut de Porten sehn?
Mutt vær herut na Strat?

Un Nawers Sæn, de Galgenstrick!
So 'n Schelm is nich to tru'n!
De is dat, de der smitt un kikt
Un æwerspringt den Tun!

Un grade – geit se vær ut Dær,
So mutt he jüs to Strat,
Un grade – kumt he achter vær,
Hett se em dar to fat! –

Och, Appeln schint so roth, so roth –
Wer hö't se vær de Dev?
Och, Kinner ward so grok, so grot –
Wer hö't se vær de Lev?