Projekt Gutenberg-DE
Autoren ∞ Werke ∞ Neu ∞ Information ∞ Shop ∞ Lesetips ∞ Textquelle ∞

Klaus Groth
Quickborn II
Inhalt

Inhalt

Klaus Groth
 << zurück weiter >> 

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Trinett de Merketendersch.

Nach dem Holländischen des Frans de Cort.

        Trinett de Marletendersch,
Værwahr, dat segg ik geern,
Trinett de Marketendersch,
Dat is en kralle Deern!
Vȩl nette Deerens kenn ik,
Doch mutt ik dat gestan:
Trinett de Marketendersch,
Kann Keene gegen an.

Trinett de Marketendersch,
Schir is se, as en Glas!
Trinett de Marketendersch,
Haar hett se as en Flaß.
Twee Steern dat sünd ȩr Ogen,
Un kiken, wa se kann!
Trinett de Marketendersch,
Och, snackt wi nich dervan!

Trinett de Marketendersch,
Wa de Uniform ȩr steit,
Trinett de Marketendersch,
Wa se marscheert un geit!
Rekruten, Veteranen,
Tambur un Corporal:
Trinett de Marketendersch,
Behext se all to mal. 212

Trinett de Marketendersch,
Se kennt di keen Gefahr,
Trinett de Marketendersch,
Se hett den Moth værwahr!
Se schenkt vær uns en Drippen,
So schenkt bi Dod un Noth
Trinett de Marketendersch
Den Fiend wul Blot un Dod.

Trinett de Marketendersch
En Deern is 't na min Smack,
Trinett de Marketendersch
Kann Plattdütsch, as ik snack.
Un klænt wi vun to Hus, o!
Denn thranogt so as ik
Trinett de Marketendersch
Int sülwe Ogenblick.

Trinett de Marketendersch,
So fründlich vær Alkeen,
Trinett de Marketendersch,
Mi levt se doch alleen.
»Un krigt wi un den Afscheed,
Denn stiggt bi uns« – so snack
Trinett de Marketendersch –
»De Spȩlmann op dat Dack!«
 << zurück weiter >> 
Impressum ∞ Nach oben ∞ Datenschutz