He sä: Ade, vergȩt mi ni!
He sä: Ade, ik denk an di!
Un wenn de Lurken wedder singt,
So denk, dat se din Leefsten bringt.

Un as dat Jahr verlopen dȩ,
Do keem de Lurk un sung so fröh,
De Nachdigal de sung so lat:
Keen Leefsten keem der langs de Strat.

Do sän de Lüd: Wat grämst du di?
Dat seggt man wul: Ik denk an di!
Gräm di umsunst keen graue Haar,
En Jeder seggt: To't neegste Jahr! 211

Wer is't, de an ȩr Finster klopp?
»Min Kind, min Kind, de Dæren op!
»De Kukuk röppt int Morgenroth,
»Nu bliv ik bi di bet to'n Dod!«