De Een de seggt: dat is en Boot!
De Anner: dar schütts du feil!
De Drütte de seggt: dat is en Sot,
Keen Fahrtüg un keen Seil.

Nu sünd bet in de Nacht de Dree
Opt Jagen wider gan,
Do seegen se nix vun Hirsch un Reh,
As mal ann Hȩben de Maan.

Do seggt de Een: de Maan is dat!
De Anner: wat fallt di in?
De Drütte meen, dat weer en Fatt,
Doch feil en Stück derin.

So sünd de Dree de ganze Nacht
Opt Jagen wider gan,
Vȩl hebbt se drunken un vȩl bedacht,
Un Nüms wat Leeds andan.