Klaus Groth
Quickborn II
Klaus Groth

 << zurück weiter >> 

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

En bunt Gesicht.

        Jan Peter harr en Zifferblatt,
Weer tȩmli smuck un rund,
Jan Peter harr en Zifferblatt,
Dat weer en bȩten bunt. 199
De Ogen blau, de Haar ni roth,
De linker Back gesund –
Un doch, un doch en Zifferblatt
En bȩten gar to bunt.

Ja, harr Jehann de Stell nich hatt
Op een Sit vun den Mund,
So harr Jehann en Zifferblatt
Smuck nog værn türkschen Bund.
En Näs, de as en Wiser wis',
Doch dreih de Kopp sik rund:
Op eenmal keem dat Zifferblatr
As Swart un Roth, so bunt.

Jan Peter harr en Zifferblatt
Blau op en roden Grund,
Jau Peter harr en Zifferblatt
Dat weer en beten bunt.
Sin Fru de sä, he weer so gut,
He weer en rechten Fund,
Doch weer mit to dat Zifferblatt
Ok ȩr sogar to bunt.



 << zurück weiter >>