Klaus Groth
Quickborn II
Klaus Groth

 << zurück weiter >> 

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Værjahrstid.

            Wa denk ik an de Tiden geern,
Wenn Blom un Krüder sproten.
Meist weer't vergȩten, wo se weern,
De Zittellösch, de Ostersteern,
De Bohnen un de Schoten.

    Dat kim in Rȩgen Knop an Knop,
As brune Pilen kim dat.
As Gold so gȩl so keem dat op,
As Blot so roth war Kopp an Kopp.
Un hell de Sünn beschin dat. 6

    Un as mit ole Frünn dat geit.–
Man hett se nich vergȩten –
Kennt man de Tulk ja, de der steit,
De Krokus, de sik æpen deit –
Wo hebbt se Winters sȩten?

    Nu weern se dar, as hör't sik so –
De Sünn gung op un unner.
Du schöne Tid, wo bist du? Oh –
Man de Ogen op un to
Un Allens weer en Wunner.



 << zurück weiter >>