Autorenseite

 << zurück weiter >> 

Sonnerbar

Ich habb en komische Beruf:
Ich leb vom Versemache.
Schonn manch Gedichtche, des ich schuf,
Bracht annern Leit zem Lache.

So mancher lacht sich schepp unn krumm,
Unn dhut fast Leibweh kriehe,
Ich awwer, ich bleib ernst unn schdumm,
Unn dhu kää Mien verziehe.

's is sonnerbar, so immerzu
De Leitcher Spaß ze mache!
Sogar selbst wann ich wääne dhu,
Da dhun die Annern lache.


 << zurück weiter >>