Autorenseite

 << zurück weiter >> 

Ständchen

Liesche, schdreck de Kobb dorch's Fenster,
Schdeck Dei goldig Nos eraus,
Dann zor Stunde der Gespenster
Heul ich mich von Herze aus.
    Ach, mei Herzi pumpert doll,
Ach, des Oos is iwwervoll.
Werf merr doch de Schlissel runner,
Daß ich bei Dich komme soll!

Liesche, heer doch, was ich babbel,
Dhu Dich doch erweiche bald!
Guck nor, wie ich stöhn unn zawwel,
Dann hier draus is oosig kalt!
    Jetz erhör mich odder nie,
Glaab's, ich bin e gut' Partie,
Werf merr doch de Schlissel runner,
Daß ich nett de Schnuppe krieh'!

Was? Du läßt Dich net erweiche?
Gell, du määnst, ich dhu merr hie
Aus em Hals die Gorjel kreische
Zum Vergniege, olwern Vieh?
    Was? Du lachst noch, du Xantipp',
Daß ich hie vergewens hipp'?
Rutsch merr doch de Buckel runner!
Krieh die Kränk, du ahl Geripp'!


 << zurück weiter >>