Autorenseite

 << zurück weiter >> 

Guder Rat for Heiratskandidade

Mensch, heirat nor kää Frää mit Geld.
Dhu nor uff's Geld nix gewwe,
Dhu's net, um alles uff der Welt,
Sonst kannsde was erlewe.

Die Aaschbrick, wo derr so ää schdellt,
Es dhät en Hund empöre,
»Wer hat dann von uns zwää des Geld?«
Des kannsde däglich höre.

Nimm ääch kää Frää, die garnix hat,
Nää, dhu des net browiere,
Dann, wann der <s>Mage</s> net is satt,
Dhut's Herz net funktioniere.

Nemm derr e Mittelreiche bloß,
So ääne aus der Mitte, –
Unn kääf derr dann des große Loos,
Dann werschde sehr zefriede!


 << zurück weiter >>