Autorenseite

 << zurück weiter >> 

Nur net zu viel zitiern!

Ihr Dichter, merkt's euch, prägt's euch ei:
Dhut net zu viel zitiern!
Das gilt for schofel, for gemei,
Unn dhut euch bloß blamiern!

Zitate sin e Weihrauchdunst,
E Wichdigmacherei,
Unn owwedrei is gor kaa Kunst
Unn gor kaa Witz dabei!

E jedder, wo sein »Büchmann« hat,
Der kann dersch grad so gut! –
Doch wann's halt ohne e Zitat
Dorchaus net gehe dhut,

Dann geww ich euch de Rat: Seid keck
Unn kehrt de Mann eraus:
Laßt wenigstens de Name weck
Unn gebbt's for eige aus!


 << zurück weiter >>