Dees boarisch' Blau, dees Farbi,
Hat gar an guetn Halt,
Sunst waar der boarisch Himi
Scho' gschoßn, er is alt,
Und weiß schickt unser Herrgott
'N Schnee, bal's schneibn thuat,
Dees hätt' er lang scho' g'ändert,
Waar ebba d' Farb nit guat.

Mir hamm aa für die Farbn,
Sö lang ma san, nix g'spart,
Der Löw' hat raaffe' müß'n
Mit Adler aller Art,
Mir hamm en nie verlassn,
Vont wegen den weiß und blau
Und Gott hat allzeit gholfa
Und unser liebi Frau.

Drum laß i' aa Leib und Lebn
Für's Boarn und für mein' Herrn,
Und soll von meini Buabna
Aa koaner anderst wern,
Und soll's an' j'der sag'n,
Als wie i 's sag'n ko':
Der Vater is guat boarisch gwest,
Is gwest a' brava Mo'.