Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Charitas Scheurl an ihren Eheherrn Albrecht Scheurl

Charitas Scheurl, Mitglied jenes humanistischen Kreises Nürnberger Patrizier aus dem auch die Pirkheimer und Tucher ihre Briefe geschrieben haben.

(1450)

Mein freuntlichen grues zwvor lieber Herr, das ir frisch und gesundt werdt deßelben hort ich allzeit gern von euch sagen, wißet lieber man, das ich von goz gnaden noch frisch pin, und dae sun alle trey got behuet uns furpas und auch euch, doch wißet lieber man das Albrecht got sey gellobt in neuer narung noch wol bekumbt, und er will iezunt außten, got behuet mirs furpas und lieber man ich pit euch obb ir euer mueter wurt verschriben, das irs mir wolt serr grußen und wolt sy pitten das si auch wolt kumen zwe mir und zwe eurn sun und lieber man wißet das de zimerleit wellen gelt hawen und als ir mir nichsz weffolhen, so hab ich in nichts wolt geben, wißet lieber man das mir ewr brieff wol worden ist den ir zu Gerlitz geben habt, darinnen ich wol vernummen hab, das ir wol seit hin kumen, got helffet allzeit furbaß, wißet lieber man das mir die leinwatt worden ist, ich bitt euch lieber man das ir mir Endreß Luedolf wolt grueßen ser von meinen wegen und euch lest die Danfogelin ser grüßen, wißet lieber man das der sitig frum ist vnd kann mir iez rueffen, vnd lieber man wißt das der kolenter nich ser frisch ist und lieber man ich pit euch auf alle frewntschaft dar ir wolt heimer kumen zw mir und zw euren sun und wolt ewer fremtheit auf wolt laßen, lieber man ich weiß euch nicht peßundorkeit nicht zeschreiben, ich will euch got weffelhen und seiner lieben muter und den heiligen drey kunig die sein allzeit euer weleiter und helffen mit gesund zw land, damit habt fil gueter nacht an sand heidwent abend.

liebtß Scheilerin.

An Albrecht Scheirl.

(Liebsten Schewrlin meiner lieben anfrawen hantschrift.)

(später von dr. Scheurl hinzugeschrieben.)