Autorenseite

 << zurück weiter >> 

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Wat min Plaseer?

Wat min Plaseer?
En lüttjen Placken vun de grote Eer,
Un merrn darop en lüttje Kat
Mank Röben, Kohl, Kantüffeln un Salat.
Singvageln rund herum in't Feld,
En frie Utsicht in de schöne Welt,
Un lik vör Döhr en Hoff mit smucke Blöm
Un Sünnschien noch un gröne Böm.

Wat min Plaseer?
En gut Glas Win, en Seidel bairisch Beer,
En Piep Toback. en Mundvoll Snack,
En Fründ, de't Hart hett op'n rechten Plack.
In't Hus de besten Böker, Band an Band,
De smucksten Biller an de Wand,
Papier un Posen, Black un ann're Dingn,
Un jümmers Lust, en Leed to singn.

Wat min Plaseer?
Man still, mi düch, als wenn dar noch wat weer!
Dat's recht! ja, ja! – en lüttje Fru,
De smuck un klok un gut un brav un tru,
En Hus vull Görn, Gesundheit, Lust un Mot,
Un för uns all dat leewe Brot,
Ick wüss ni, wat dar sunst noch öwrig weer,
Dat's dusend nog, – un gar nix mehr!

*

 


 << zurück weiter >>