Autorenseite

 << zurück weiter >> 

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Guden Rat

Menschenkind, wat is dat Leben?
Twischen Haß un Leevde sweben!
Hest du't all mal recht bedacht? –
Bald so lud, un bald so sachen,
Lust un Leid, un Ween'n un Lachen,
Morgen, – Middag, – Abend, – Nacht!

Weg mit Haß un Groll för jümmer!
Süh, ick wüss ni, wat dar slimmer,
Wat dar mehr gefährlich weer!
Mennig een hett Tran vergaten,
Als sin Fiend de Ogen slaten;
Wull em gut we'n, – kunn't ni mehr;

Hett dar een mal wat verbraken,
Hest du recht, em slech to maken?
Weest du, ob du beter büst?
Sünd ni mehr un sünd ni minner,
All den leewen Gott sin Kinner,
De dar sülbn de Leevde is!

Allns vergeben! – allns vergeten!
Wer kann't ahn'n, un wer kann't weten?!
Dod un Leben fat sick an;
Makt se eerst de Eer uns apen,
Li't wi ünner't Gras to slapen.
Drückt keen Mensch uns mehr de Hann!

*

 


 << zurück weiter >>