|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Wo ick bar'n un stunn min Weeg,
Allemal wa freut mi dat
Wenn ick di mal wedder seeg,
Wilster, min leev Vaderstadt,
Wa din roden Hüser lacht,
Liggst du dar in'n Sünnschienglanz,
Wenn de Masch in all ehr Pracht
Slingt um di den grönen Kranz!
Grote Höf mank hoge Böm,
Blanke Fenstern, gröne Döhrn!
Ock en Hoff vull bunte Blöm,
Un en grote Port na vör'n!
Lanks de Weddern Möhl an Möhl,
De in'n Wind sick lustig dreiht!
Un dar nerrn in'n bunt Gewöhl
All dat Veh op gröne Weid!
Goldgehl steiht de Rapps in Blöt,
Bohn un Kleewer vull vun Duft!
Un de Lurken singt ehr Leed,
Baben in de blaue Luft!
Un de Kiwitt un de Spreen
Weet ni, wo se leewer weern!
In de Masch, wil't dar so schön,
Geiht de Adbar ock spazeern!
Un de ole Wilsterau
Dörch ehr Paradies hindör,
Spegelblank un düsterblau
Kümmt se rünner na de Stör!
Hier un dar en smucken Kahn,
Rot de Wimpel hoch an'n Mast,
Glitt dar dör' den grönen Plan,
Oder hölt an't Öwer Rast!
Still! weer dat ni Klockenklang,
Wat mi summ deiht in de Ohrn?
Within dör' de Masch henlank
Kummt dat her vun'n Wilstertorn!
Is de Klock wul, de dar sleit,
Wenn dat Tid to'm Beden ward,
Un en Segenswunsch, de geiht
För min Wilster mi dör't Hart!
Komp.: 4 st. v. H. Wulf.
*