Autorenseite

 << zurück weiter >> 

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Strickers

Wat kummt denn dar mi in de Möt?
En Dicken un en Dünnen, –
Mit tweie Steweln an de Föt,
Un Rock un Büx in Plünnen.

Se denkt wul beid: wi hebbt keen Hast, –
Un bummelt macklig wider;
De een de is en Schosterknast,
De anner is en Snider.

Dat seeg ick forts den Dünnen an,
Un seeg dat an den Dicken, –
Den Dicken an sin Pickdraht-Hann,
Den Dünn' an all sin Flicken.

Twee gude Frünn, – so sozial,
So recht twee vun de echten!
Se smeeten beid' de Arbeid dal,
Nu lopt se 'rum, to fechten.

Dat nömt se stricken, – ock ni dumm
För so en Art to wannern!
Se strikt ja nu in't Land herum
Vun een Enn bit na'n annern.

Se strickt un strikt un blivt darbi
Un lat sick ni besnacken,
Un lopt bi all ehr Stricken
Mit Löcker op de Hacken.

*

 


 << zurück weiter >>