Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Regen

Br! Regen, Regen, nix als Regen!
Dat is ock dochen rein to dull!
Plitsch platschen blank! un allerwegen
De Graben un de Gröben vull.

Dat löppt un hört nich op to lopen,
Un gütt dar, als mit Ammern dal!
Als schrobben se mal alltohopen
Dar babn den groten Himmelssaal.

Wa deep dat wul in'n Grund mag trecken,
So'n Fuchtigkeit? – ick löv binah.
Na dissen fang't all an to lecken
Op Gündsit, in Amerika.

Man palscht ja, als en Fisch in't Water,
Mit 't warme Blot is't rein verbi:
Ick bün to Mot, als harr 'ck en Kater,
So waterig, – wa geiht't mit di?

Kannst du dar noch de Warm bi holen?
Du gungst ja jümmers dür' de Mur, –
De Jungn hebbt beter, als wi Olen,
Bi so en Wedder Däg un Dur.

Do' mi'n Gefall'n! – ick will di't laben,
Dat ick di mal een wedder do', –
Dar is gewiß wat twei dar baben,
Lop rop un stopp de Löcker to!

*