Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

A, de lüttj' Göschen!

A, de lüttj' Göschen! – wa nett sick dat pass!
Dar kamt s' mit ehr Moder un wüllt all to Gras.
Denn lop ick darachter un bün mit darbi,
Dat is so all Summer en Hauptspaß för mi.

Denn lang ick dartwischen un hal mi een rut
Un nehm't in min Arm so, als weer't min lüttj' Brut,
Un strakel't un ei't so den Puckel hendal
Un hol't an de Backen un snüter dat mal.

A, du lüttj' Göschen, so smuck un so nett!
A, du lüttj' Göschen, so week un so fett! '
A, du lüttj' Göschen, so gehl un so fien!
A, du lüttj' Göschen, wa geern mag 'ck di lidn!

Nu lop man un fritt man un nudel di man!
En veer Weeken wider, de slat all watt an!
Un nöst kummt Martini! – Martini! – o! o!
A, min lüttj' Göschen, ma freu 'ck mi darto!

*