Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Günd, achter de Blompütt

Günd, achter de Blompütt, schreeg öwer de Strat,
Persepter sin Döchder, – dat is di en Staat!
Persepter sin Lischen, sin Witjen und Trin,
Dree Deerns, als dree Rosen, – künnt all dree all fri'n.

Wa hebbt se för Haar, – rein so blank un so glatt!
Un Ogen, – de Swarte, als Aalbein so swatt.
De Gehle, – so blau als Vergißmeinnichtblom,
De Brune, – so brun, als Kastanjen vun'n Bom.

Se danzt un se springt un se hüppt, als en Reh,
Sünd rot, als en Ros', un so witt, als de Snee,
Se singt, als en Drossel, un lacht, als en Duv,
Un scheert sick den Deuwel um Hochtid un Huv.

Günd, achter de Blompütt, schreeg öwer de Strat,
Persepter sin Döchder, – dat is di en Staat!
Un schull ick een rutnehmn, un günn he mi een,
Ick sä: Herr Persepter, all dree – oder keen! –

Komp.: 1 st. v. C. Gurlitt. 4 st. v. H. Nöhren. 1 st. v. Cl. Serpenthien.

*