|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Halv buten't Holt un halv darin
Un Köhlung för de Hitten, –
Dat is en Platz recht na min Sinn,
Hier mutt ick eerst mal sitten.
Wa wild dat dör' enanner waßt,
Un schütt na alle Kanten!
Bennt, Brahm un Slangkrut, Moos un Gras
Un, Gott weet, wat för Planten!
Blauveilchen un lütt Steernblom kiekt
Deep ünner mi in'n Graben, –
Un Ros' un Sötblom rankt und rükt
Hoch öwer mi dar baben!
Un dar, – dat's noch dat Allerbest'! –
Mank Brombein un mank Möschen
Versteken en lütt Vagelnest, –
Is wul en lütt Gehlgöschen.
Un Neddeln dar und Löwenmul,
Un dar, ganz vun de Tilgen
Behangn, en ole Mergelkuhl,
Vull Leesch un Waterlilgen!
Un dar Quitsch. Hassel, Doorn un Slö'n,
Rund um mi wat för'n Redder!
Un hier dat ole Holt so grön, –
Wa hett dat allns sin Wedder!
Ick heff en Hoff, wo't prächtig steiht
In Betten un in Reegen, –
Wo so uns' Herrgott plant't un sei't,
Dar kummt doch nix ni gegen!
*