Autorenseite

 << zurück weiter >> 

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Op'n Karkhoff

De Wind, de weiht so lurig,
De Mand, de schient so schön!
Ick sitt so still un trurig
Hier mank de Likensteen;

Un kann se ni vergeten.
Ehr groten Ogn so blau, –
Se blöh, – so blöh keen Mäden,
Keen Ros in'n Morgendau.

Ick heff mi op ehr smeten,
Ick schreeg un ween so lud;
Se hebbt mi vun ehr reten
Un drogn ehr still herut.

Nu slöppt se hier so lisen
Mank Rosen ünner'n Sand,
Un um dat Krüz von Isen
Dar flüggt dat witte Band.

De Wind, de weiht so lurig,
De Mand, de schient so schön!
Ick bün so trurig, trurig
Un denk an ehr un ween.

*

 


 << zurück weiter >>