Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Hartleevste min, so still un schön

Hartleevste min, so still un schön,
Gah ni verbi, gah ni verbi!
Ach, wenn du wüss, warum ick ween!
Ick ween um di, ick ween um di.

Du seegst mi doch so hartlich an,
Du Blom so rot, du Blom so rot;
Ick harr di dragen op de Hann
Bit an min Dod, bit an min Dod.

Un vun mi wullst du gahn? – ach ne!
Dat kann ni we'n, dat kann ni we'n;
Allns, wat ick wünsch, allns, wat ick be,
Büst du alleen, büst du alleen.

Un hör mi ock de ganze Eer,
Ick geev se hin, ick geev se hin;
Wat nütz se mi, weerst du ni mehr,
Min Königin, min Königin!

Komp.: 1 st. v. C. Gurlitt, 1 st. v. L. Jessel, 4 st. v. C. W. Prase

*