Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Fritz Grünbaum

Die Hölle im Himmel und andere Kleinkunst

Da san mir net scharf drauf in Wien

Ein Lied von der Wiener Seele

I.

Mir in Wien san eine sonderbare Rasse,
An Charakter ham ma net, dös strengt uns an;
Aber trotzdem san ma eine eigne Klasse,
Mir san mir und hab'n an ganz besondern Schan!
Wann die andern Völkerschaften von Professern
Sich erfinden lassen Fortschritt und Kultur,
Mir in Wien, mir woll'n a Ruah hab'n und nix verbessern,
Mir san halt wienerisch, dös is uns g'nua.
Und wenn die Andern voller Kraft
Geh'n vorwärts Schritt um Schritt,
Mir san a wilde Völkerschaft,
Und machen dös net mit . . .

Da san mir net scharf drauf in Wien,
Is net wahr?
Mir schau'n, ob die Trauben hübsch blüh'n,
Aber klar!
Mir hab'n ja an Herrgott, der macht uns schon g'sund,
Und wann er es nicht macht, na, geh'n ma halt z'Grund,
Aber arbeiten und uns bemüh'n,
Seh'n S'! Da san mir net scharf drauf in Wien! 152

II.

Kolossal, zum Beispiel, san doch die Berliner,
Die san tüchtig, ja, da gibt's kein Hindernis!
Doch was ganz besonders int'ressiert den Wiener,
Is das Essen, was bei denen möglich is!
Ihre Mehlspeis is zum Beispiel nur für's Auge,
Rot und grün is sie und heißt sich Flammerie,
Gehst net weg! Doch schmecken tut s' wie von der Seif' die Lauge,
Und nachher frag'n s' uns noch: Nu, wat sag'n Sie?!
Erst hab i lang herumgedruckt
Ganz gegen mei Natur,
Dann hab i'n Mehlpapp ausgespuckt
Und hab' gesagt: Hör'n S' zua!

Da san mir net scharf drauf in Wien,
Is net wahr?
A Mehlspeis is ka Medizin,
Aber klar!
Mir machen an Knödel, es ist ja net fein,
Aber's schmeckt und wir geben kan Schuasterpapp 'nein,
A Mehlspeis, was rot is und grün,
Seh'n S'! Da san mir net scharf drauf in Wien! 153

III.

In Amerika hat neulich ein Erfinder,
Wie die Zeitungen gemeldet hab'n in Wien,
Patentier'n sich lassen, wie man kleine Kinder
Kann erzeugen mittels Dynamomaschin'!
Riesig einfach is die G'schichte, gleich versteht man's,
Und sehr billig is, denn's kostet nur paar Neetsch,
Bissel Kohl'n, a bisserl Eiweiß und nachher dreht man's
Und fertig is der ganze Pamperletsch!
Da fall'n mir Wiener net drauf 'rein,
Denn mir san net für Tricks,
Das Resultat kann prachtvoll sein,
Doch das Verfahr'n is nix!

Da san mir net scharf drauf in Wien,
Is net wahr?
In dem Punkt bemüh'n wir uns gern,
Aber klar!
Mir hab'n ja a Bluat und dös gibt uns ka Ruah
Und Bankerln im Stadtpark drin hab'n mir aa gnua,
Aber in der Fabrik, per Maschin,
Seh'n S'! Da san mir net scharf drauf in Wien! 154