Auch unser Bürgermeister hat, im Rundfunk deutlich klar
Verteidigt seinen Magistrat und g'sagt was wirklich wahr
Er hätt wohl gern noch mehr gesagt, was sich hintrum alls tuat
Er hat als Bayer nur geklagt – mir habn's verstand'n guat
»O mei, – sei' tuat's was!«

Zwoa alte Münchner treffen sich, da drunt beim Glockenspiel
Sie schaun sich an herzinniglich, doch reden tuan's net viel
»Gell Sepp, jetzt war Frühschoppenzeit, aa Weißwurscht, oh möcht i«
»O mei, da feit's no himmiweit in der Demokratie!«
»O mei, – sei' tuat's was!« 6

Heut is net g'hoazt sei Stammlokal und Morgn is Betriebsruh
Am dritt'n Tag da is amol, ja wegn der Stromsperr zu
Und sitzt er endli do' mal drinn, »Bring mir mei' Maß jetzt, ja!«
»Heut gibt's koa Bier«, schreit Kellnerin, »heut is bloß Molke da!«
»O mei, – sei' tuat's was!«

A Stund steht er am Stachus scho', kommt in koa Trambahn nei
Oan Absatz hat er blos mehr dro', obn laaft eahm s'Wasser nei
An Huat datäscht, die Brilln daschlagn, koan Knopf mehr am Schileh
»Herr Nachba, kimmt jetzt no aa Wagn?« Der brummt: »Nje rosumje!«
»O mei, – sei' tuat's was!«

A Münchner ausbombt scho' drei Jahr, wohnt weit drauß'd z'Berg am Laim
Der möcht natürlich, dös is klar, in sei' alt's München heim
»Tja, alle wollen zu uns her, dett jeht nich lieber Jung
Hab'n sie denn ooch«, frägt ihn der Herr, »Zuzugsbewillijung?«
»O mei, – sei' tuat's was!« 7