|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
| Die als so thun, als wann for sie Die Welt zu elend wär', Als wann halt gar nix gut genug For ihres Geischts Begehr, Dieselle Mensche' mag' ich nit, 'S is aach gewiß nix d'ra', Ich seh' se for e' bsunnri Art Vun Mißgeborte' a'. Wann unser Herrgott hätt' gewollt, Daß nix als Himml wär', So hätt' er wohl ke' Erd' gemacht, Kenn' Mensch' geplanzt doher, Un' daß durch e' Versehe', wescht, E' Engl uf die Erd So mir nix dir nix kumme' kunnt', Deß is mer zu gelehrt. 'S geht aber doch so mancher 'rum Un' bild't sich so 'was ei' Un' meent, er wär' der Welt zu gut, Er g'höret nit recht 'rei'. – Der Mensch, verstehscht, is so un' so, Vum Himml is was drinn, Drum hot er so for Großes aach Un for 'was Schön's n Sinn, Ja sich! ich glaab er guckt sogar Oft in de' Himml 'nei', Doch daß er drum e' Engl wär', Deß fall' 'm jo nit ei', Sunscht gehts 'm, wie eem, der emol Beim König 'gesse' hot Un' meent, jetz' wär er aach e' Prinz, Der macht gewiß Bankrott. |