Un' d'rum so hätt' der Tilly
Gewunne' jedi Schlacht,
Schier eeni alle Tag',
Deß heeßt, wer's glaabe' mag
Un' dem 's ke' Koppweh macht.

Ich hab' emol eme Oberscht
Vum Tilly deß verzählt,
Un' daß mer 's probe' möcht'
Ob dann der Grundsatz recht,
Den er sich do' gewählt.

Der Oberscht sächt, 's is richtich,
Der Satz is gut un wohr
Un' sicher is der Sieg,
Deß heest in so 'me Krieg,
Wie dort vun dreißig Johr.

Doch wann der Krieg is kerzer,
Do is die Gschicht rischquirt,
Do steht ke' Chronik gut,
Daß deß e' Werkung thut,
Wann mer sich so sekirt;

Drum, abstrahirt vum Tilly,
Der brav un' ritterlich,
Mir lade' uns zum Wei'
Gern hübsche Weiber ei', –
Es hot aach 'was for sich!