|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
| Mer kann oft höre' uff der Welt, Wie bittri Klaach die Mensche' führe', Die Langweil thät halt ferchterlich Do uff dem Erdeklotz regiere'. 'S is wohr, doch git's jo allerhand, Deß böse Uebl zu verjage', Un' fallt euch juscht nix bessers ei', So will ich euch e' Spielche sage'. Es is ganz hübsch, wann wie e' Fisch E' Mensch schnappt noch 'me Angelköder, Un' wann er sich do dra' verbeißt Un' beiße' thut emol e' jeder. For so e' Spiel, do muscht de nor, Was ihr Begierde gern verlange', Als Köder an die Angl thu', Un werscht se noch dein'm Wille' fange. Der Köder heeßt Gelegnheit, Die Piffigkeit zu producire', Un wittern se vun weitm die, So hoscht se, eh' se nor was spüre'. En' Jäger kannscht de Stundelang An deiner Schnur so zable' losse', Verzähl' 'm nor e' eenzich Stück, Wie piffig du 'n Fuchs geschosse', Un' wär' die Gschicht aach noch so korz, Er kann ihr End' doch kaam erwarte', So schnapt er schun un' spruddlt los Mit dem, was ihm geblüht im Gaarte'. En' Eisefresser derfscht de nor E' bische' duppe' mit 're Gabl, So meent er glei' e' Dege' wär's Un' kummt mit sei'm Duellgebabl. Un' gar e' junger Advocat, Dem geb' vum e' Proceß 'n Brocke, So lärmt er fort wie e' Cascad, Un' thätscht zwee Stunde' vor 'm hocke'. Un' kannscht erscht eem 'n alte Witz Hübsch demlich an die Nas' placire', So packt er 'n, wie e' Hund 'n Käs Un' werd dich höchlich amesüre'; Do werd der brummichschte vergnügt, Derfscht nor e' bische Beifall lache, Un' kannscht uff so e' leichti Art Oft een' wahrhaftich glücklich mache. Un' weil deß Spielche' gar ke' Kunscht Un' doch Vergnüge' thut gewähre', So is's nit recht, sich uff der Welt So über Langweil zu beschwere'. |