|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
| O Reichthum der Natur! – Jo wart' eweil, 's is nit viel dra', Guck nor deß Ding genauer a', Es is mit all' dem viele' Glanz Doch alsfort nor der alte Tanz. Geb Acht, e' Persching blüht als roth Und geel e' Butterblum, E' Elephant wiegt nie e' Loth, E' Esel is halt dumm; Die Sunn' geht noch de' alte' Gang, Grad wie vor hunnert Johr, Der Taach is als im Summer lang, De' Vöchl wachst ke' Hohr; E' Lerch' singt noch des nämlich Lied, Als wie zu Adams Zeit Un singt's noch ohne Unnerschied Wie dort vor Vieh und Leut, –– Un do d'rum macht mer so a G'schrei Un ruft: Wie reich, wie schee'! – Wär' nit e' Schelmerei derbei, Es thät bal anners geh': Weescht aber Freund, wie schlau sie 's macht Die goldich schee' Natur, Sie zählt, wie lang mer se betracht' Genau noch ihrer Uhr, Un meent se, eener hätt' genuch In ihr'n Kram geguckt, So muß er fort un' werrn 'm gschwind Die Aage' zugedruckt; So halt' se sich de' Buckl frei In ihr'm Hoffahrtsdunscht, Do bleibt mer freilich ewig neu, Deß is e' rechti Kunscht! – |