Franz von Kobell: Gedichte in pfälzischer Mundart

Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Kumm mei' Liebche' an's Fenschter,
'S is Alles so ruhich un' still,
Mei' Herz deß hot e' Verlange',
Un' daß's dich grüße' will.

Es will dich grüße' un' saache',
'S wär' kenni so lieb wie du,
Du wärscht sei' freundlicher Engl,
Sei' Glück un' Friede' d'rzu.

Un' 's will dich grüße' un' saache',
So vielmol hätt's dich gern,
Als dort am Himm'l flimmre'
Die viele' tausend Stern'.

Un' 's will dich grüße' un' saache',
'S wär' standhaft un' wär' treu,
Un' thu'scht dei' Lieb 'm schenke',
D'erlebscht gewiß ke' Reu.

Un' 's will dich grüße' un' saache',
Daß, wann d' 'm nit gut willscht sey',
So grabe's die Todte'gräber
Ach eh' de dra' denkscht, ei'.

∞

∞