Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Hänsis Liebesantrag.

»O Anneli! o Liebi my!
Chönnt i doch alliwyle by dir sy!
Wett dir gä, was i ha,
Schaf und Koih, Roß im Stall;
Was i bi, was i ha,
Und wett denn sy di Ma,
Soig nur einisch ja-a.

O Anneli! seg mer denn, witt mi nit?
Bin i dir öppe z'chlei?
Du brichst mer ds Herz entzwei.
Bin i nit schön gnoig?
Bin i nit jung gnoig?
Bin i nit rych gnoig? Bin i dir z'alt?« –

»Nei, du bisch schön gnoig;
Nei, du bisch rych gnoig;
Nei, du bisch jung gnoig;
Aber i ha naimis scho!« –
»O du faldsche Evas Tochter,
Sag nur, warum thoisch tu das?« –

»Dumme Hänsi meinsch du öppe.
Jedes Meitschi syg für dy?
Wenn me d'Meitschi wett usrechne,
Müeßt me wohl Schoilmeister sy.
Wäre d'Männer nit viel fäldscher,
'S gieng no mit de Wybere hi!«