's zweiti Paar is á váwuzelti G'schicht',
Groß odá kloan, je nachdem má sih 's richt't;
Rund oder eckát, bald süß und bald sauá,
Heunt' hat 's á Schleckmál und muring á Bauá;
Drob'n aus dá Dáná da lärmt's und rebellt's,
Áh bei koan'm orndlingá Dend'lbas fehlt's.

Alli vier Silb'n sán á Schlang'n, – ui Je!
's gibt gar koan frümmári Schlang'n, als dö;
Stech'n und schnei'n kann má s', beiss'n und schlick'n,
Und sie wird denná koan'n Mensch'n nit zwick'n;
Aber ihr Ing'wád, – dös denkát 's wol kám, –
Wachst in ihr'm Leib nit dránn, suntán an'm Bám.

»Bist áh so á Bleamel,
Hast Äugerln so braun!
Brock' du má dáfur
Á schö'ns Veigerl am Zaun!«

Und nur dös mehr im Glas,
Und es wár' gar nit öd,
Wann ih allweil in mein'm
Áh nur dös drinnád hätt'..