Ih abá bin schön anpumt! Ih hab's schön
Váred't, auf dem Weg längá weidá z'geh'n! –
Ih bin ánmal, dáß ih's nur offen sag',
Z'höchst auf dá-r Alm g'west, – 's war dá schönsti Tag.

Auf ánmal kummt, – dá Himmel war noh klar, –
Á Wedá, – abá was dös fur án's war!
Rechts, links hat's eing'schlág'n, ganzi Bám' hab'n brennt,
Und d' Berg' hab'n zidát, als hätt, d' Welt á-n End'.

Aft hab' ih freili wol zum Bet'n g'schaut,
Und sidá dem mih nimmá z'freveln traut:
God is gar stark, es kost't erm nur án'n Riß,
Und z'untást liegt, was ietzt noh z'obást is.

Durt bringt er oan'n, den allás scheucht, in's G'red',
Durt schiebt er oan'n, den nermbst nit kennt, an's Bret: –
's Glück is, wie 's Wasser oft, es spielt sih nur,
Da reißt's was weg, und durt tragt 's ás zua.