(Respekt, Sepperl, dee Großn
tean 's aa net in d' Hosn,
und in d' Schneiztüachl ghörn s' aa net nei, dee Sachn –
Sepperl, tua nur lusti so weiter machn!)

Siehgst es, da kimmt an Herr Oberamtsrichter sei Basn,
hat a paar Winterfenster auf der Nasn
und tuat koa Straßn und koan Menschn und koan Herrgott net sehgn –
aha, recht is 's ihr gschehgn:
mit ihre langa Röck
tragt s' an kloan Sepperl seine ganzn Gspaß von der Straßn weg!