Da bist rot worn und gschaamih
und hast in deiner Nasn bohrt
und hast ganz staad gsagt: jawoll, Girgl, du derfst scho kema!
Siehgst es, dees hat mih soviel gfreut, 's selle Wort,
daß ih gsagt hab:
Jetzt derfst dein Finger scho wieder aus der Nasn nehma!

Und nachat hast dein Finger wirklih wieder aus der Nasn zogn –
hast'n ohgschaut a Zeit lang ganz verlegn;
aber nachat hast'n in dei Mäui neigschobn –
und siehgst es, Annamirl, deswegn
hab ih dir damals koa Bussl net gebn!