I' geh'n ihm z'lieb durch's Filznmoos
    Voneh der Tag no' kimmt,
Dieselbinga die schlafa wolln
    San um den Vogl g'stimmt.

I' geh'n ihm z'lieb, waar's no' so weit
    Und no' so frua und frisch,
Es spielt si' um a' schöni Schaar,
    Nit um an' Flederwisch.

Spielho' wo bist, Spielho' mach auf
    Und grugl', blas' und spring',
Es san ja deini Hohzet-Täg'
    Und die nimmt koana g'ring.

Da blast er scho', da grugelt er,
    Mei Flintn blast aa' drei',
Sie blast ihm d'Federn um und um,
    Jetz' g'hört der Vogel mei'.

So hol' i' mir an' Federputz,
    Schau, fangt si' 's Fruajahr o'
Und mag koa Bliemi ehnder nit,
    Bis i' die Federn ho'.