’s Jouseppche leit newwer’m Vadder sei’m Bout

Un sunnt sich im griene Gras,

Er beißt in sei’ Keilche Butterbrout

Un schnuffelt dezu mit de Nos’.

"Ja Jouseppche sag’, was is dann mit dir«,

Säigt de Lehrer ganz freindlich und sieß,

»Ich wääß, was de sunst fer e Dreckwiwwel bist,

Du host ja heit’ blitzblanke Fieß’!«

’s Jouseppche fährt mit’m Rock iwwer’s G’sicht

Un hot in sein’ Broutkeil gebisse:

»Mei’ Mudder is schuld! Ich hob’er In Schticht

Voll Sauerkraut einstampe misse!«