Hääß is die Summernacht,

Schwiel is die Luft,

Schatz mit sei’m Schätzje lacht,

Nachtigall ruft.

Adam sei’ Evche kißt,

Da hät’s kä Not!

»Evche, weil’s du’s ner bist,

Goldige Krott’!«

Leis duh’n se flistern

Un kisse sich viel,

Leis’ duh’n se wispern -

- Uff ämol werd’s schtill.

Evche hängt’s Kebbche ’rab,

Mitte im Glück

Lääft er zum Backe ’nab,

’n Drobbe ganz dick.

»Evche, mei Herzje du,

Mach’ mer kä’ Schträäch,

Flenn’ mer nit! Des Geduh’

Mecht mich ganz wääch!«

»Adam, do errste dich,

Adam, ich flenn’ jo nit,

Des mecht die Hitz’,

Adam, ich schwitz!«