Autorenseite

 << zurück weiter >> 

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Der Dorete.

Doret = taub.

Bei uns (dös is an alte G'schicht)
San zwoa Assessor auf'm G'richt.
Der oa is doret wie a Brett,
Wennst schießst, der Kerl hört di' net.
Die zwoa die hocken nebenand,
Da ham s' schon fufzehn Jahr ihrn Stand;
Der Doret' aber gibt koan Ruah
Und fragt den andern allweil zua,
Um dös und dös und woaß Gott was.
Z'letzt werd's dem andern z'dumm, der G'spaß,
Drum schreibt er sich in Gottes Nam
A so zwoa Dutzend Zettel z'samm,
Wo glei' an Antwort droben steht,
So oft der ander' fragt und red't.
Da steht auf oan: »Dös is nit wahr.«
Am andern: »Staad san S'.« »Was nit gar.«
Am andern hoaßt's: »Hab jetzt koa Zeit.«
»Dös freut mi'!« oder: »Thuat mir leid.«
»Da frag'n S' an Hausknecht.« »Ja.« »Na.« »So.«
»Koan Schein.« »An Dreck.« »Dös wissen S' do'.«
»Geht mi' nix an.« »Jetzt hörn S' mir auf.«
»Sie steigen mir am Buckel 'nauf.«
Und fragt der oa um jeden Bettel,
Legt glei' der ander hin sein Zettel.
So geht's jetzt fort, tagein, tagaus.
Seit fufzehn Jahr – laßt koaner aus.
Ha, Freund, dös muaß a Leben sein?
»Ah was nit gar!« – »An Dreck!« – »Koan Schein!«

.


 << zurück weiter >>