Autorenseite

 << zurück weiter >> 

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Auf der Point.

Der alt Herr Stieler (woaßt der Vater
Vom Stielerkarl) der war gern dader
In Tegernsee, hast ihn net kennt?
Sein Haus is auf der Point da drent!
Da hat er g'mal'n und oamal halt
Da hat er an Prinz Karl g'malt.
Und z'Nachmittags, daß's trockna kann,
Stellt er dös Bild zum Fenster 'nan.
Die Bauern roasent drunt vorbei
Und schaug'n halt nauf und kennen's glei'
Und sagen: Beim Herrn Stieler droben
Da is grad der Prinz Karl oben,
Und reißen abi glei' an Huat,
Denn da waar's g'feit, wer dös nit thuat!
Er aber rührt und biegt si' net,
Schaug nur, wie er da droben steht.
Was is denn, dös'n heunt verdrießt,
Weil er do' sonst so freundli' grüßt?
No, sagt der Sepp, no mein, no mein,
Er werd halt – nit gut aufg'legt sein!

.


 << zurück weiter >>