Autorenseite

 << zurück weiter >> 

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Die Bleamln.

Dös war im Summer
In aller Fruah,
Drunt auf der Wiesen
San Bleamln gnua.

Da is so lusti',
Dös schmeckt Schmeckt = riecht, duftet. so süß!
Jetzt eifern s' mitnander:
Wer besser is.

Und 's Schmalzbleaml streckt si'
Und schaugt si' um:
I bin so gulder
Wie droben d'Sunn.

's Stoannagerl lupft si':
I bin so fein,
Mi' stecken die Diendln
Ins Mieder 'nein.

Sogar an Veigerl
Thaat d'Hoffart taugen:
I bin so schön
Wie die schönsten Augen.

Da kimmt der Mahder Mähder.
Und maht vorbei,
Und bis am Abend
San s' alle – Heu!

.


 << zurück weiter >>