Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Die Watschen.

achst war'n ma drin beim Hauslbräu,
Der alte Sepp hockt aa dabei,
Der hat's uns da so außideut,
Wie's g'west is in der alten Zeit.

»Mein ersten Dampes, Rausch. gwiß is's wahr,
Den hab i g'habt mit achtzehn Jahr,
Der Alte haut mir oane 'num –
Da war mir glei' dös Saufen z'dumm.

»Na' hab i so a Liebschaft g'habt,
Recht dalket bin i einitappt,
Der Alte haut mir oane 'nein –
Da laß i glei' den Handel sein.

»Beim Schießen hab i mi' oft duckt
Und mit die Aug'n a bißel g'muckt; Geblinzelt.
Der Alte haut mir oane hin –
Da war i glei' im Punkten drin! Den Punkt getroffen.

Ja,« sagt der Sepp, »a so is g'west!
A Watschen is halt do' dös Best,
Ja, dös is ewig schad – i sag's,
Daß die koan Werth hat heutigs Tags!«