Habt's a Schneid!?

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

's Edelweiß.

steig in Berg'nan umanand
Weitmächti' drob'n im G'stoa;
Jetzt han i halt so nachsinnirt,
I bin ja ganz alloa.

Es taugt mir dös und dös halt nit,
Hab allerhand im Sinn,
Und moan auf d'letzt halt, daß i do'
Am rechten Platz nit bin.

Da siech i stehn an Edelweiß
Im Schatten drob'n – hübsch kalt,
's hat Arbeit, wenn der Wind recht geht,
Daß se si' nur derhalt.

Und muß si' strecken mühsam schier,
Daß's grad a Sunn derschnappt,
Und hat kaum drin im Felseng'schröff
A Hand voll Erden g'habt.

Lang han i hing'schaugt – g'wiß is wahr,
Ehvor i weiter tapp!
Na' han i denkt schön staad für mi':
Du bist a rechter Lapp!

Jetzt is dös do' an Edelweiß
Und wieviel Arbet hat's! Arbeit = Mühe haben. –
Und du bist grad a Pfifferling
Und möchst an schönern Platz!