|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Ollweil kreuzlusti
und trauri gar nie,
i steh dà wier dà Kerschbàm
in ewigà Blüe
Enk freili wàrn d' Kerschen
schan liebàr als d' Blüe,
awà losts, dö klain'n Keferl
und andern lieben Tier,
dö wurln und woiseln
auf mir umàdum,
ham iehn Gschàft und iehn Kürzweil
und singàn sumsum.
Und iehnà Sumsum
is nöt gscheit, is nöt dumm,
is nöt sündt, ist nöt frum,
awà iehn ist halt drum.
Enk freili wàrn d' Kerschen
schan liebà als Blüe,
awà gelts, dö klain'n Keferl
und andern liebn Tier,
was fragn dö um d' Kerschen,
iehn Welt is dö Blüe,
was s' nöt frössen und z'knerschen,
Mensch, das ghört erst dir.
Drum ollweil kreuzlusti
und trauri gar nie,
i bleib stehn wia dà Kerschbàm
in ewigà Blüe!