|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
| 1. | |
| Kindá, herts nur áf von schnadern, Mein, seids nur á bißl still, Losts áf enkern olden Vadern, Was ár enk heunt votragn will; Schauts, ös seids zwoa junge Dingá, Nix für unguat, daß igs röd! Laßts enk heunt á Lehr vosingá, Von án Vadern schadts enk nöt. |
|
| 2. | |
| »Is 's nur enká Willn und Moaning?« Hat enk heunt dá Pfarrá gfroat, »Wöllts enk mitánand voroaning?« Flugs háds einbascht, »Ja!« habts gsoat! Ja – is kurz und is bald gsprochá, Awá, Kindá, denkt fein drauf, Was 's bedeut’t: – »wird nimmá brochá Bis in Tod, da herts erst auf!« |
|
| 3. | |
| Daß 's guat ausfallt, liabe Kinná, Kimmt áf ünsern Herrgott an, Ohne den wird d’ Freud bald z’rinná, Er is 's, ders dáhalten kann. D’ Ehleut, dö nöt fleißi beten, Kehrn bal alles um und um, Drum laßts enk ös á nöt neten Bets fein fleißi, löbts fein frumm! |
|
| 4. | |
| Zerst á guats, voträglichs Wösen Is á Ding, das d’ Ehleut ziert, Wia má bei St. Paul kann lösen, Wann oans tragt den andern d’ Bürd: Schauts, mir sán ja alli fehli, Bald fáhlts 's Wei und bald dá Mann, Und wer nachgibt, der wird seli, Und wer zankt, bringt d’ Höll dávan. |
|
| 5. | |
| Wann enk Gott wird Kindá geben, Seids fein fleißi, ziahts ös guat, Führts ös zun án christlign Leben, Laßts enks nöt aus enkrá Huat; Toats fein stündlä für sö wachá, Toats koan’n Schlánklbuam dáziagn, Wern uns mir bal d’ Hoffnung machá, Daß má brave Ähnl kriagn. |
|
| 6. | |
| So müaßts löbn, áso müaßts wandeln, D’ Hauptsach, dö vobleibt enk d’ Treu, Is Ehrabschneidn und Weibáhandeln Is ja wáhrlá nimmá neu; Martin, schau, du hast dein Káthel,* Schau bolei koan andre an, Ewi würst á Toifelsbrádel, Zeitli wárst á schlechtá Mann! |
|
| 7. | |
| Jezt habts ghert, wia ös müaßts leben, Gib enk Gott á guate Nacht, Gib enk seinen väterlign Segen, Dann wird alles leicht vollbracht! Wia der Tag solln olle werden Abraham, Isak, Jakobs Gott Leit’t und bschützt enk hier auf Erden Bis an enkern spaten Tod! |
|