Autorenseite

 << zurück 

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Neigahrschwunsch.

.

Iech wünsch eich alln zen neie Gahr
Nix annersch als wie Glück und Frȧȧd.
Mog g'scheh, wos eier Wünschen war,
Mog eich verschane jedes Lȧȧd.

Wünsch, aß ȧ volles Portmannee
Eichs ganze lange Gahr dergötzt.
Mögt ihr ner volle Schüsseln seh,
Wenn ihr zen Mohl eich niedersetzt.

Und mog eich ȧȧ ȧ guter Trunk
Zer Mohlzeit immer sei bescheert,
Und gut net ner, ȧȧ reich genungk,
Suviel wie eier Hȧrz begehrt.

Wenn Glos und Teller voller sei,
Wünsch iech ȧn'n recht gesunden Moong,
Aß müßig net ihr sitzt derbei,
Ihr ȧȧ wos orntlichs könnt vertroong.

Und wünsch derzu ȧn'n guten Freind,
Der 'sch Leem erscht ahgenehm eich macht,
Der mit eich lacht und mit eich greint,
Af eier Wuhl ner is bedacht.

Wünsch jeden Mah ȧ gute Frȧȧ
Und jeder Frȧȧ ȧn'n guten Mah,
Ne Mȧȧdlen und ne Börschlen ȧȧ
Ewos, aßs miet schmaruzeln kah.

Ȧ Alltogs- und ȧ Sunntigsklȧȧd
Mog immer, wünsch iech, eier sei.
Wünsch, aß eich stets de Ȧrwet frȧȧt
Und aß se eich ȧȧ lahnt derbei.

Iech wünsch, aß übersch Gahr se eich
Recht viel an Steiern aufleeng mühng,
Denn dodraus, do dersieht m'r'sch gleich,
Wie eier Wuhlstand is gestieng.

Wünsch bȧȧdes: Reeng und Sunneschei,
Aß jede Frucht gedeie kah;
Ze Hȧȧd und Schniett mogs trucken sei
Und kalt be glatter Schliettenbah.

Wer krank is, leicht ner oder schwer,
Den wünsch iech, aß recht ball siechs wend,
Und wu kȧȧ Hilf ze hoffen mehr,
Ȧ kurzes und ȧ seeligs End.

Seid immer frisch, frei, fröhlich, frumm,
Su wie m'r'sch bei ne Tornern sieht;
Und aß iech ȧȧ ze kurz net kumm,
Wünsch iech m'r alles selber miet.

.


 << zurück