Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Rätsel.

Es hots der Mensch, 's hots jedes Vieh,
Ball lang, ball kurz, ball stark, ball dünn,
Und fehlt wos drah, do tut d'r'sch wieh
Tief in ne dicken Rumpes drin.
Der Flȧȧscher, wenn ȧ Sau er schlacht',
Nimmt ganz behutsam es in acht,
Denn er brauchts wieder. Wie bekannt,
Brauchts nütig ȧȧ der Musekant.

Es hams de Kerng, Rotheiser ȧȧ,
Manch Schloß und sinstigs Prachtgebei,
Und hie und wieder gar gleich zwȧȧ;
Ball mächtig stark und huhch se sei,
Ball zierlich; und ball überol
Verkünden s' uns der Stunne Zohl
Und nemme tȧȧl an Hȧrzelȧȧd
Der Menschen, wie an Lust und Frȧȧd.

Huhch af ne vuring druhm es wahnt,
Wie sinst vur Gahrne, su noch heit;
Doch wur scha vielerorts geplant,
Se ohzeschaffen mit der Zeit.
Denn unner heitigs Publikum
Braucht net ne Wächter mehr do druhm,
Seits Telephon de Menschhȧȧt kennt,
Derfährt m'r'sch fix soott, wenns wu brennt.

(Därmer.)