Un wat sonn rechten Schapskopp is,
De praetelt nu irst recht
Un deit sin Mul up ganz gewiß
Un schrigt: Hew 'k dat nich seggt!
So müßt dat kam', as nu dat kümmt. –
Nu wad 't All werre got.
Nu wad üns sülm ken Hoar nich krümmt,
Nu sen wi All, wu schoen dat stimmt
Vun 'n Kopp bet up 'n Fot.

Man wen sin Ogen apen hett
De swiggt noch 'n beten still,
De köfft vun sülm sick nich un lett
Vekoepen sick ken Brill. –
Wat is nu witt? wat is nu swart?
Un wat is nu recht los?
Na, wenn de Voß irst huchlig wad
Un hüppt un haewelt mit sin Start,
Denn trugt em man – de Gos.