John Brinckman: Vagel Grip

Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

John Brinckman

Vagel Grip

John Brinckman

<< zurück weiter >>

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Mirrn inne Nacht.

	Still un ensam alle Welt – Allens liggt un slöppt In dat Dörp un up dat Feld, Bet de Dag se röppt. Nicks roegt sick. In wire Firn Man en Koeteblaff, Man doa baben schütt en Stirn Up üns Kirchdack raw.
^* _* ^*
	Mand un Stirn un Stirn und Mand De lücht' man so blank Vun de Sünn, bi de se stan, – Seggt üns Köste Pank. Man üns oll lütt Paste seggt: Dat 's Gott's Angesicht! Pasting, gloew ick, de hett Recht, Un de Köste lüggt. Uenne 't Krüz un in dat Graw Doa de lange Reg Slap un wet vun Nicks nich aw, Un de stürt ken Fleg. De hew 't aewestan un ligg' In er Lakens still; Kem doa werre en vun trüch, Denn wir 't Kinnespill.
^* _* ^*
	An den Turn doa inne Mür, Wu se 't Galmlock hett, Glaest dat as sonn spoekig Für In en ollmig Brett. Wat mi graest – un wat mi grust – Un wu still dat sitt! Wenn dat wir 'ne Ul de must, Roep se woll: Kummit!
^* _* ^*
	Mankedörch – Herr Jes, un denn Wu vefirt dat en! – Knackt un ruschelt dat, as wenn Sacht üns naslickt wen; Dat en na sin Handstock foart Un ment Wunne wat – Un is doch man sonn oll Moard, Sonn oll Ilk und Katt.
^* _* ^*
	Bumm! Doa sleit de Klock all en; De oll Stunn is ründ, De ken Minsch nich mag un ken Is mit er got Fründ, Dat 's narrsch, wat 'n sick licht vefirt Denn un goa Nicks trugt Un grar as sonn daesig Pird Voer 'n Sten sick schugt.
^* _* ^*
	Dat 's de Gaebel, doa 's de Doer, Baben doa slöppt Gret; Man de isen Schott is voer, Süß, wen wet – wen wet? Süß – wen wet, wat denn ick der, Mi is as en Dew; Dat 's man üm dat Nagerer, Süß wüß 'k, wu 'k nu blew.
^* _* ^*
	Süß je süß – ick wet woll Rat, Wu ick rinne kam; Wenn ick forsch de Doer anfat, Breckt se sacht tosam. Moer is s' as oll Dannenbork, Un er Hasp is slicht; – Man Gretmore is sonn Lork Un makt sonn Geschricht.
^* _* ^*
	Denn want ok de oll Mattinsch Gegenaewe schrat; Dat oll Minsch is grausam fünsch Un de hett sonn Prat. Wu de dat to weten kreg, Dat is goa ken Frag, Dat hel Dörp tohopen schreg Se in ken twe Dag.
^* _* ^*
	Wat! 'n lütt beten Schawenack Dat wir nich veloewt? Dat bringt man Mattinsch in 'n Snack, Wat an Spoek se gloewt. An de Ollsch er Finste stig 'k Nem den Drumm as Tritt, Klopp sacht mit de Knörr un schrig As 'ne Ul: Kummit!
^* _* ^*
	In den Katen, achteut, Bi den Schult sin Schün Schint as Licht dat dörche Rut – Schüllt de up all sin? Hisch! dat hürt sick an, mi dücht, In de Dönsk schreg dat; Ob doa wen in Starwen liggt, Ob doa jung wat wad?
^* _* ^*
	Krükrekrü! Doa kreit de Han Up sin Wim in 'n Stall. Sü mal, Musche Kunkeldan, Büst du munte all? Krükrü! Wat bidüdt dat? kreit He, krükerekrü! Na, wat dat bidüden deit Hür wi morrn frü.
^* _* ^*
	Ob doa werre würr wat lütt, Ob doa liggt wen dot, – Weldag, de koppheiste schütt, – Elenn, humpelpot. Roar di nich din Ogen blind! Lach di nich to stark! Ständig, wu 'ne Weg noch stünn, Doa steit ok 'n Sark.
^* _* ^*
	De oll Stacke, dat lütt Goer, Junke un Kossat – Rik, Arm, Dumm, Klok – all en Doer, All de sülwig Strat; All glik got un All glik slicht. An din egen Snut Fat di! Wen sin Krüz is licht? Heiland Dot, nimm du 't!

<< zurück weiter >>

Impressum

∞

Nach oben

∞

Datenschutz

John Brinckman

Vagel Grip

Inhalt

Mirrn inne Nacht.